Durante o ano pasado a economía española continuou a experimentar un crecemento do 3,2% do PIB e, por segundo exercicio consecutivo, volveu a destacar sobre os países do noso contorno europeo. Os bos datos de actividade económica reflíctense na evolución do mercado laboral, que rexistrou un aumento do emprego dun 2,9%, ata acadar os 18,4 millóns de afiliados á Seguridade Social. Lográronse crear máis de 400.000 empregos, aínda que a taxa de desemprego sexa aínda moi alta.

A creación de empresas tamén continuúa a experimentar un crecemento –tanto en pemes como na grande empresa– e enxérgase un novo tecido empresarial, o dos autónomos. Malia que a industria recupere niveis de competitividade moi altos en sectores como a automoción, a terciarización da nosa economía parece imparable e o sector turístico, que mantén o seu bo momento, continúa a crear emprego. Pola súa parte, o sector da construción, tan intensivo en man de obra, está moi lonxe de volver aos seus mellores tempos.

Nun marco temporal máis amplo, salientan tres tendenciais de carácter estrutural e crecente:

• O absentismo disparouse ata niveis practicamente insostibles. Un recente estudo de AMAT apunta elocuentes: España ten unha das taxas de absentismo laboral máis altas do mundo, agudizándose durante 2015 ata chegar ao 4,7%.
• A proxección da poboación española do INE sitúa ao noso país cun millón menos de habitantes en 2029 (45,4 millóns) e cun 24% da poboación con idades comprendidas entre 50 e 60 anos.
• E, a crise económica, que sacudiu as economías europeas desde o ano 2008, puxo en perigo o mantemento dun Estado de Benestar que segue xerando déficit; é dicir, endebedándose.

Unha década despois do estalido da crise, o mercado laboral resultante da incipiente recuperación é diferente. Tal e como indican as sucesivas enquisas de poboación activa, o total de poboación activa decrece –100.000 persoas menos buscaban traballo no último trimestre de 2016 e 650.000 nos últimos catro anos–, a taxa de actividade feminina ascendeu ao 53,6%, o groso da forza laboral envellece e os autónomos seguen aumentando –case 25.000 persoas iniciaron actividade por conta propia en 2016– xerando cada vez máis emprego para os asalariados das súas empresas.

Nese sentido, a contribución das Mutuas colaboradoras coa Seguridade Social continúa a ser significativa para que se poidan manter servizos públicos que os cidadáns españois consideramos irrenunciables. Hoxe, as mutuas contribuímos de forma decisiva a que 14 millóns de traballadores asalariados e autónomos teñan garantidas as prestacións sanitarias e económicas que a lexislación actual nos outorga.

Atentos á rapidez con que está mudando o contorno, en Mutua Universal  concentrámonos en instruír mellores sistemas, focalizar esforzos e destinar os investimentos necesarios para seguir achegando cada vez máis valor a empresas e traballadores. Como poderán comprobar na lectura desta memoria, este último ano fixemos, entre outros, progresos significativos en tres ámbitos:

• Resposta eficaz á maior actividade asistencial cun plan de investimentos que permitiu a posta ao día das instalacións con novas tecnoloxías e servizos.
• Programas integrais para reducir o absentismo e promover a empresa segura e saudable.
• Un novo modelo de xestión da Reserva de Asistencia Social de Mutua, baseado nunha atención inmediata e eficaz das principais necesidades que presentan os traballadores accidentados e as súas familias.

A contribución das Mutuas colaboradoras coa Seguridade Social continúa a ser significativa para que se poidan manter servizos públicos que os cidadáns españois consideramos irrenunciables.